Ugu yaraan 11 falastiiniyiin ah ayaa lagu dilay Jenin iyo mid ka mid ah Ramallah iyadoo duulaankii ugu weynaa ee Israa’iil ay ka geysatay Daanta Galbeed ee la haysto uu socdo
maalintii labaad.
Xamaas ayaa sheegtay in falastiiniyiintii weerar baabuur iyo mindi ku weeraray Tel Aviv oo todobo qof ku dhaawacay uu ka mid ahaa xubnahooda, isaga oo intaa ku daray in uu u dhaqmay falkii Israa’iil ee Jenin.
Hay'adaha Qaramada Midoobay ayaa walaac ka muujiyay heerka uu gaarsiisan yahay weerarka Israa'iil, iyagoo intaas ku daray in dadka gurmadka degdega ah laga hortagayo inay gaaraan dadka dhaawacyada culus qaba.
Bisha Cas ee Falastiin ayaa sheegtay in ilaa 3,000 oo qof ay ka daadgureysay xerada Jenin, halkaasoo ilaa 14,000 oo qof ay ku nool yihiin dhul wax ka yar kala bar kiiloomitir laba jibaaran.
waxaa qoray warbixintaan wariye ayaanle24
0 Comments